AA အကြမ်းဖက်သောင်းကျန်းသူအဖွဲ့က ရသေ့တောင်မြို့အနီး ကျောက်ချရပ်နားထားသော စစ်ရေယာဉ် ၃ စီး အား ရှော့တိုက်ဒုံးဖြင့် လာရောက်ပစ်ခတ်

AA အကြမ်းဖက်သောင်းကျန်းသူအဖွဲ့က ရသေ့တောင်မြို့အနီး ကျောက်ချရပ်နားထားသော စစ်ရေယာဉ် ၃ စီး အား ရှော့တိုက်ဒုံးဖြင့် လာရောက်ပစ်ခတ်

🌠🌠🌠🌠🌠🌠🌠🌠🌠🌠🌠🌠🌠🌠🌠🌠
#နေပြည်တော် ဇူလိုင် ၂၁

#AAအကြမ်းဖက်သောင်းကျန်းသူအဖွဲ့များသည် ရခိုင်ပြည်နယ်အတွင်း နယ်မြေတည်ငြိမ်အေးချမ်းမှုပျက်ပြား စေရေးအတွက် အဖျက်အမှောင့်လုပ်ရပ်အမျိုးမျိုးအား လုပ်ဆောင်လျက်ရှိပြီး ရခိုင်ပြည်နယ်အနီးရှိ မြန်မာ့ ပင်လယ်ပြင်အတွင်းနှင့် ပင်လယ်ကမ်းစပ်တစ်လျှောက်၌ပြေးဆွဲလျက်ရှိသည့် ဒေသခံပြည်သူများ၏ ရေယာဉ် များစက်ချွတ်ယွင်းမှုတစ်စုံတစ်ရာဖြစ်ပွားပါက ကူညီကယ်ဆယ်ရေးဆောင်ရွက်နိုင်ရန်နှင့် သဘာဝဘေး အန္တရာယ်များ ကျရောက်လာပါကကူညီနိုင်ရန် အသင့်စုဖွဲ့ထားရှိသည့်
#တပ်မတော်(ရေ)မှစစ်ရေယာဉ်များကို လည်း ပစ်ခတ်နှောင့်ယှက်မှုများ ပြုလုပ်လျက်ရှိသည်။

ထိုသို့ အဖျက်အမှောင့်လုပ်ရပ်များ ပြုလုပ်လျက်ရှိရာ ဇူလိုင် ၂၀ ရက် နံနက်ပိုင်း တွင်လည်း ရသေ့တောင်မြို့၏ အနောက်ဘက် မီတာ ၃၀၀၀ ခန့်အကွာရှိ မေယုမြစ်ကမ်း အနီးတွင် ကျောက်ချရပ်နားထားသော
#တပ်မတော်(ရေ)မှ စစ်ရေယာဉ် ၃ စီးအား AA အကြမ်းဖက်သောင်းကျန်းသူအဖွဲ့များက စစ်ရေယာဉ်၏ အနောက်ဘက်ကမ်းစပ်မှ ရှော့တိုက်ဒုံး ၂ လုံးဖြင့်လာရောက်ပစ်ခတ်ခဲ့သောကြောင့် စစ်ရေယာဉ်အမှုထမ်းများ က ပြန်လည်ပစ်ခတ်ခဲ့ရသည်။

ဖြစ်စဉ်တွင် စစ်ရေယာဉ်အမှုထမ်းများနှင့် စစ်ရေယာဉ်များ ထ်ိခိုက်ပျက်စီးမှုမရှိပဲ လာရောက်ပစ်ခတ်ခဲ့သည့် ပတ်ဝန်းကျင်နေရာတစ်ဝိုက်အား ရှင်းလင်းဆောင်ရွက်ရာ၌ ပစ်ခတ်ရန် အသင့်အနေအထားရှိသည့် Type 63 ၁၀၇ မီလီမီတာအမျိုးအစားဒုံးသီး ၃ လုံးအား ဘတ္ထရီအိုး၊ ၀ါယာကြိုးများနှင့် ချိတ်ဆက်လျက် ထပ်မံ တွေ့ရှိရသဖြင့် ဘေးအန္တရာယ်မရှိစေရေး စနစ်တကျသက်မဲ့ပြုလုပ်ခဲ့သည်။

AA အကြမ်းဖက်သောင်းကျန်းသူအဖွဲ့များအနေဖြင့် ဇွန် ၂၂ ရက်နေ့တွင်လည်း စစ်တွေမြို့အရှေ့ဘက် ဆတ်ရိုးကျချောင်းဝအနီးကျောက်ချရပ်နားထားသည့် ပင်လယ် သွားတွဲဆွဲရေယာဉ်တစ်စီးကို အလားတူ ရှော့တိုက်ဒုံး ၃ လုံးဖြင့် လာရောက် ပစ်ခတ်ခဲ့ကြောင်း သတင်းရရှိသည်။

#ကာကွယ်ရေးဦးစီးချုပ်ရုံး